Հայաստանի ԱԻՆ-ում, հոկտեմբերի 23-ին, ժամը 02:47-ին ահազանգ է ստացվել, որ Էջմիածին-Մարգարա ավտոճանապարհի 4-րդ կմ-ին տեղի է ունեցել ավտովթար, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «ԳԱԶել» մակնիշի 04 UL 859 (վարորդ՝ 31-ամյա Ռ. Ե.) եւ «ՎԱԶ 2107» մակնիշի 34 AV 802 (վարորդ՝ 22-ամյա Մ. Գ.) համարանիշերի ավտոմեքենաները. վերջինիս վարորդն արգելափակվել է ավտոմեքենայում:
Փրկարարները Մ. Գ.-ին դուրս են բերել արգելափակումից եւ մոտեցրել շտապօգնության ավտոմեքենային: Ավտոմեքենաների վարորդները եւ «ԳԱԶել» մակնիշի ավտոմեքենայի ուղեւոր՝ 31-ամյա Մ. Գ.-ն, հոսպիտալացվել են Վաղարշապատի ԲԿ, որտեղ բժիշկները վերջինիս առողջական վիճակը գնահատել են միջին ծանրության, իսկ մյուսներինը՝ բավարար: