Չինուհին վերջին պահին հրաժարվել է ամուսնանալ, քանի որ փեսացուն սխալ է ծնկի եկել իր առաջ, հայտնում է Daily Mail–ը։
Հարսանիքի տեսագրությունում երեւում է, որ զույգն արդեն կանգնած է արարողությունների դահլիճում։ Երիտասարդն իր ընտրյալին խնդրում է դառնալ իր կինը, ծնկի է գալիս եւ ծաղիկներ մեկնում։ Տեսնելով, որ տղան 2 ոտքով է ծնկի եկել, աղջիկը հիասթափվում է եւ չի վերցնում ծաղկեփունջը, ինչը փաստացի նշանակում է հրաժարվել ամուսնանալուց։
Ներկաները սկզբում ծիծաղել են եւ առաջարկել փեսացուին նորից ծնկի գալ, սակայն մեկ ոտքով։ Տղամարդը նորից է կրկնել խնդրանքը, սակայն աղջիկն այդպես էլ չի վերցրել ծաղկեփունջը՝ չնայած նրա հորդորներին։