Կամավորները նույնպես կանցնեն ԶՈւ հրամանատարության տակ։ Այս մասին հոկտեմբերի 23-ին ՀՀ խորհրդարանի պաշտպանության, ներքին գործերի եւ ազգային անվտանգության հանձնաժողովի նիստում ասել է պաշտպանության նախարար Վիգեն Սարգսյանը։
«Մեր ժողովրդին երբեք օտար չի եղել կամավորական շարժումը։ Եվ զորակոչի ոչ ենթակա անձինք նույնպես կարող են մասնակցել երկրի պաշտպանությանը։ Բայց կամավորությունը պետք է ավարտվի զինկոմիսարիատի դռների մոտ։ Հենց որ քաղաքացին գրանցվում է, նա ստանում է զինծառայողի բոլոր իրավունքները»,– ասաց նախարարը։
