Հունգարիան վետո է դրել Ուկրաինա- ՆԱՏՕ գագաթնաժողովի անցկացման վրա, որը պետք է դեկտեմբերին կայանա։ Համապատասխան հայտարարոթյունը հրապարակվել է հանրապետության ԱԳՆ կայքում։
Հունգարիայի նման դիրքորոշման պատճառը կապակցված է կրթության մասին Ուկրաինայի ընդունած օրենքի հետ։ Նախարար Պետեր Սիյարտոն հայտնել է, որ օրենքը ոտնահարում է ազգային փոքրամասնությունների իրավունքները։
Սիյարտոն նշել է, որ այն բանից հետո, երբ Ռադան ընդունել է օրենքի նախագիծ ուկրաինական լեզուն սովորելու մասին, Հունգարիան խոստացել է օգտագործել բոլոր դիվանագիտական գործիքները, որպեսզի Ուկրաինան չեղարկի օրենքը, որը խստորեն ոտնահարում է ազգային փոքրամասնությունների իրավունքները։ Նախարարը նաեւ հիշեցրել է, որ Ռադայի օրակարգում կան օրինագծեր լեզվի ու քաղաքացիության մասին, որոնք կարող են սպառնալ հունգարական համայնքին։
Սիյարտոն շեշտել է, որ հունգարական վետոն շրջանցել հնարավոր չէ, քանի որ գագաթնաժողովի գումարման համար պետք է մասնակից պետությունների միաձայն որոշումը։