Արդշինբանկը բարելավել է կանխիկով սպառողական վարկերի տրամադրման պայմանները` էականորեն նվազեցնելով տարեկան տոկոսադրույքը:
Համաձայն նոր պայմանների, վարկերը տրամադրվում են մինչեւ 120 ամիս մարման ժամկետով, տարեկան տոկոսադրույքը սկսում է 20%-ից, իսկ վարկի առավելագույն գումարը 1.600.000 ՀՀ դրամ է: Վարկը տրամադրվում է ցանկացած նպատակի համար, առանց գրավի կամ երրորդ անձանց երաշխավորության պահանջի:
«Արդշինբանկը մշտապես աշխատում է վարկերն առավել հասանելի դարձնելու եւ մատուցվող ծառայությունների ցանկն ընդլայնելու ուղղությամբ: Բարելավված պայմանների շնորհիվ Բանկի սպառողական վարկերը հասանելի են դարձել ավելի մեծ թվով հաճախորդների: Պարզեցվել են դրամական միջոցների տրամադրման գործընթացը, էականորեն կրճատվել է վարկային հայտի վերաբերյալ որոշման կայացման ժամանակահատվածը. այժմ վարկը տրամադրվում է տեղում հաշված րոպեների ընթացքում: Չի պահանջվում նաեւ եկամուտը հավաստող փաստաթուղթ»,- նշեց Ռազմավարական զարգացման տնօրեն Արմեն Գասպարյանը:
Կանխիկով սպառողական վարկ ստանալու համար անհրաժեշտ է դիմել Բանկի ցանկցած մասնաճյուղ՝ ներկայացնելով անձը հաստատող փաստաթուղթ եւ հանրային ծառայությունների համարանիշ:
Նշենք նաեւ, որ մինչեւ 12 ամիս ժամկետով վարկերի դեպքում վարկառուից չի պահանջվում «Դժբախտ պատահարից» ապահովագրություն:
Կանխիկով սպառողական վարկերի մասին առավել մանրամասն տեղեկատվություն կարող եք ստանալ այցելելով պաշտոնական կայք հետեւյալ հղմամբ՝ goo.gl/H4nT5K, զանգահարելով (012)222222 շուրջօրյա հեռախոսահամարին կամ օգտվելով կայքի «Հետզանգի պատվեր» ծառայությունից:
