ԱՄՆ նախագահ Դոնալդ Թրամփը կարծում է, որ Իրանը մեղավոր է Եմենից Սաուդյան Արաբիայի կողմ հրթիռ արձակելու համար, հաղորդում է «ՌԻԱ Նովոստի»-ն:
«Իմ կարծիքով, Իրանը հարձակում է գործել Սաուդյան Արաբիայի վրա: Դուք գիտեք այդ մասին, ճի՞շտ է: Տեսել եք, որ հրթիռ է արձակվել: Իսկ մեր համակարգերը հարվածել են դրան», - Տոկիո ուղեւորվող ինքնաթիռում լրագրողներին ասել է նա:
Ավելի վաղ շաբաթ պարզ դարձավ, որ Սաուդյան Արաբիայի ՀՕՊ ուժերը Էր Ռիյադի հյուսիս-արեւելքում բալիստիկ հրթիռ են ոչնչացրել: Լրատվամիջոցների հաղորդմամբ՝ այն Եմենի տարածքից արձակել են ապստամբ հուսիթները:
