Թուրքիայի նախագահ Ռեջեփ Թայիփ Էրդողանը ընդդիմադիր Ժողովուրդների դեմոկրատական կուսակցությանը մեղադրել է բարոյական արժեքներից հեռանալու մեջ։ Դրա պատճառը ԼԳՏԲ հանրույթի ներկայացուցիչների համար հանձնաժողովներից մեկում տրամադրված քվոտաներն են, փոխանցում է AP-ը։
Էրդողանը վստահություն է հայտնել, որ 2019 թվականի ընտրությունների ընթացքում ընդդիմությունը կստանա դասը, որին արժանի է։ Նա քննադատել է Ժողովուրդների դեմոկրատական կուսակցությանը՝ նշելով, որ իրենք գործ ունեն նրանց հետ, ովքեր պատերազմ են հայտարարել մարդկային արժեքներին։