Եվրասիական տնտեսական միության երկրները հետաքրքրված են Հարավարեւելյան Ասիայի պետությունների ասոցիացիայի երկրների հետ առավելագույն լայն կոոպերացիայի հարցում, 2 միավորումներն արդեն բանակցություններ են վարում ազատ առեւտրի գոտի ստեղծելու մասին: Այս մասին ՌԴ վարչապետ Դմիտրի Մեդվեդեւը ասել է երկուշաբթի Մանիլայում ընթացող ՀԱՊԱ գործարար եւ ներդրումային գագաթնաժողովում, փոխանցում է ՏԱՍՍ-ը:
Նա հիշեցրել է, որ մեկ տարի առաջ ուժի մեջ է մտել ԵՏՄ-ի եւ ՀԱՊԱ երկրներից մեկի՝ Վիետնամի հետ ազատ առեւտրի մասին համաձայնագիրը: «Վերջերս ավարտվել են նույնպիսի համաձայնագրի շուրջ բանակցությունները Եվրասիական միություն-Չինաստան ձեւաչափով, մենք ազատ առեւտրի գոտին քննարկում ենք ԵՏՄ-ՀԱՊԱ բազմակողմ ձեւաչափով»,- ասել է ՌԴ վարչապետը՝ հավելելով, որ առանձին բանակցություններ են վարվում ՀԱՊԱ մի շարք երկրների հետ:
ՌԴ վարչապետը կարեւոր է համարել, որ ասիական շատ ընկերություններ արդեն գնահատել են ԵՏՄ-ում աշխատանքի հեռանկարները. «Այս պատճառով մենք ԵՏՄ գործընկերների հետ միասին հետաքրքրված ենք ՀԱՊԱ երկրների հետ առավելագույն կոոպերացիայի հարցում՝ հիմնված համընդհանուր սկզբունքների եւ առեւտրի միջազգային նորմերի վրա»: