Թուրքիայի նախագահ Ռեջեփ Թայիփ Էրդողանը եւ Քուվեյթի էմիր Շեյխ Սաբահ ալ Ահմադ ալ Սաբահը քննարկել են տարածաշրջանային եւ միջազգային հարցեր, հաղորդում է KUNA-ն:
Ըստ հրապարակման՝ զրուցակիցները բոլոր ուղղություններում համագործակցության ընդլայնման հնարավորությունն են նաեւ քննարկել:
Երկու երկրների գլխավոր շտաբերի ղեկավարները նաեւ բանակցություններ են վարել ռազմական համագործակցության զարգացման եւ ամրապնդման վերաբերյալ:
Սպասվում է, որ վաղը՝ նոյեմբերի 15-ին, Էրդողանը կայցելի Դոհա:
Սաուդյան Արաբիան, Բահրեյնը, Եգիպտոսն ու Արաբական Միացյալ Էմիրությունները, հունիսին խզել են տնտեսական եւ դիվանագիտական հարաբերությունները Կատարի հետ՝ մեղադրելով նրան ահաբեկիչներին աջակցելու մեջ:
Կատարը հերքում է մեղադրանքները: Քուվեյթը երկրների միջեւ միջնորդի դեր է ստանձնել, իսկ Թուրքիան աջակցում է Կատարին: