Ամերիկացի Աթաուլլահ Մալիքը հայտնաբերել է, որ իր 10-ամյա տղան կարողանում է մոր iPhone X–ն արգելաբացել Face ID–ի միջոցով, թեպետ ի սկզբանե համակարգը պետք է ճանաչի միայն տիրոջ դեմքը, հայտնում է Lenta–ն։
Ընդ որում, հոր սմարթֆոնը երեխան արգելաբացել չի կարողանում։ Ծնողները մտավախություն ունեն, որ այդպես երեխան կարող է ծնողների սմարթֆոնով գնումներ կատարել կամ կարդալ նամակագրությունը։ Սակայն նրանք միաժամանակ չեն ցանկանում անջատել Face ID–ն։ Նշենք, որ շնորհանդեսի ժամանակ Apple–ը նախազգուշացրել էր, որ Face ID–ն կարող է սխալ աշխատել 14 տարեկանից փոքր երեխաների կողմից օգտագործման դեպքում։
Ավելի վաղ Վիետնամական Bkav ընկերության աշխատակիցները, որոնք զբաղվում են կիբերանվտանգության ոլորտում մշակումներով, կարողացել են խաբել iPhone X սմարթֆոնի Face ID նույնականացման համակարգը հեռախոսի տիրոջ դիմակի միջոցով։