Ազգային Ժողովն այսօր՝ նոյեմբերի 16-ին, 83 կողմ ձայնով ընդունեց Կառավարության կողմից ներկայացված «Սահմանամերձ համայնքների սոցիալական աջակցության մասին» ՀՀ օրենքում փոփոխություն կատարելու մասին օրենքի նախագիծն առաջին ընթերցմամբ ընդունելու մասին հարցը:
Խորհրդարանն ընդունեց նաեւ «Սահմանամերձ համայնքների սոցիալական աջակցության մասին» ՀՀ օրենքում փոփոխություն կատարելու մասին օրենքի նախագծի առաջին ընթերցումից հետո գրավոր առաջարկների ներկայացման ժամկետը մեկ շաբաթ սահմանելու մասին ԱԺ նախագիծն ընդունելու մասին հարցը:
Նշենք, որ Ազգային ժողովում այսօր շարունակում է վեցերորդ գումարման երկրորդ նստաշրջանը. օրակարգում 2018 թվականի պետական բյուջեի նախագիծն է:
2018 թվականի բյուջեի քննարկումները մեկնարկել են նախօրեին:
Երեկ Ազգային ժողովն ընդունեց «Զինապարտության մասին» վիճահարույց օրենքի նախագիծը: Քննարկվել են նաեւ ավիացիայի ոլորտում «Ելք» խմբակցության հարցապնդումները:
Նշենք, որ ԱԺ այս քառօրյայի օրակարգում ներառվել է 30 օրինագիծ: