Նվազագույն աշխատավարձը 2012-ի համեմատ բարձրացրել ենք 70 տոկոսով: Այս մասին, այսօր՝ նոյեմբերի 16-ին, Ազգային ժողովում լրագրողների հետ զրույցում հայտարարել է ֆինանսների նախարար Վարդան Արամյանն՝ անդրադառնալով թոշակներն ու աշխատավարձերը չբարձրացնելու կառավարության որոշմանը:
«Դուք մոռանում որ, մենք 2012-ի համեմատ նվազագույն աշխատավարձը բարձրացրել ենք 70 տոկոսով: Այդ ժամանակ միջին աշխատավարձն, այդ թվում նաեւ ձեր նշած պաշտոնյաների աշխատավարձը 70 տոկոս աճ չի գրանցել: Երբ մենք բարձրացնում ենք նպաստները, թոշակները եւ աշխատավարձը, ուրեմն պետք է ազնիվ լինենք, քանի որ մենք մեկ տարվա խնդիր չենք լուծում, պետք է մտածենք հաջորդ տարիների մասին: Այս տարի ունենք 4.3 տոկոս նախատեսվող տնտեսական աճ»,- ասել է Վարդան Արամյանը:
