Boston Dynamics ընկերությունը հրապարակել է նոր տեսագրություն Ատլաս ռոբոտի մասին։ Ռոբոտին, որը արդեն կարողանում է դանդաղորեն տեղաշարժել արկղերը, ստեղծել խառնաշփոթ գրասենյակում ու ընկնել բեմից, սովորեցրել են սալտո անել, գրում է Meduza-ն։

Մինչ սալտո անելը ռոբոտը անցել է խոչընդոտների գոտին, ցատկելով տարբեր բարձրությունների հարթակների վրա։ Ըստ ամենայնի՝ Ատլասին սալտոն միանգամից չի հաջողվել, քանի որ տեսագրության վերջում կա նաեւ անհաջող դուբլը, որտեղ երեւում է, թե ինչպես է ռոբոտը ցատկից հետո ընկնում հարթակի վրա։