Ռուսաստանի ու Չինաստանի զինվորականները համատեղ զորավարժություններ կանցկացնեն, որպեսզի մշակեն արձագանքը բալիստիկ հրթիռների պատահական կամ սադրիչ հարվածներին, հայտնում է ՌԲԿ-ն։
Ռուսաստանի ՊՆ հաղորդագրության մեջ ասվում է, որ «Օդային- տիեզերական ազնվտանգություն-2017» համակարգչային հրամանատարային շտաբային զորավարժությունների ժամանակ մշակվելու են «հակահրթիռային պաշտպանության խմբավորումների գործողությունների ծրագրմանը առնչվող հարցերը»։
Ռուս-չինական զորավարժությունները անցկացվելու են Պեկինում, դեկտեմբերի 11-16-ը։
«Տվյալ զորավարժությունն ուղղված չէ երրորդ երկրների դեմ»,- վստահեցրել են ՊՆ –ից, նշելով, որ խոսքը Ռուսաստանի ու Չինաստանի զինված ուժերի փոխգործակցության մակարդակի բարձրացման մասին է «ընդհանուր մարտահրավերները» անդրադարձնելու ժամանակ։
Բալիստիկ հրթիռների կանոնավոր փորձարկումներ են իրականացնում Ռուսաստանի ու Չինաստանի հարեւան ԿԺԴՀ-ում։