Եգիպտոսի ոստիկանությունը փոփ երգչուհի Շիմային ներքնազգեստով տեսահոլովակում նկարահանվելու համար կալանավորել է:
Ըստ իրավապահ մարմինների՝ տեսահոլովակում երգչուհին չափազանց «խոստումնալից» է բանան ուտում: Այս մասին հաղորդում է «Ալ Արաբիա» հեռուստաալիքը:
Տեսանյութում երգչուհին դասարանում ուսուցչուհու կերպարով է հանդես գալիս:
Շիման քննադատությունների ալիքից հետո ներողություն է խնդրել բոլոր նրանցից, ում կարող էր վիրավորել իր տեսահոլովակը եւ նշել է, որ նման արձագանք չի ակնկալել:
Սեպտեմբերին բելգիացի մոդել Մարիսա Պապենը եւ ավստրալացի լուսանկարիչ Ջեսե Ուոքերը Կառնակի տաճարում մերկ լուսանկարների պատճառով եգիպտական բանտում հայտնվեցին: Ավելի ուշ նրանք կարողացան հեռանալ երկրից եւ հրապարակել լուսանկարները:
