iPhone X-ի գնորդները դժգոհել են, որ հեռախոսի պատյանի ներկը թափվում է: Այդ մասին հաղորդագրությունը հայտնվել է Reddit-ի ֆորումի ժամանակ:
Հեռախոսի օգտատերերից մեկը գրել է, որ սարքը ընդամենը մեկ շաբաթ առաջ է գնել եւ արդեն նկատել, որ պատյանի մետաղական մասի ստորին հատվածից ներկը թափվում է: Պարզվել է, որ նմանատիպ խնդիր է առաջացել նաեւ «խնձորային» տեխնիկայի մի քանի այլ օգտատերերի մոտ:
Ինչպես պնդում են փորձագետները, դա պայմանավորված է նրանով, որ Apple-ը բարձր որակի ներկի վրա տնտեսել է՝ որոշելով շեշտը դնել արագության ու արտադրության էժանացման վրա, փոխանցում է Life-ը: