News
Լրահոս
News
Կիրակի
Նոյեմբեր 18
Տեսնել լրահոսը

Մոնթե Մելքոնյանի անունը կրող այս նոր վարժարանը Մոնթեի գործի շարունակականության փայլուն վկայությունն է, եթե կուզեք՝ դրա խորհրդանիշը։ Այս մասին այսօր՝ նոյեմբերի 21-ին, Դիլիջանում Մոնթե Մելքոնյանի անվան նոր կրթահամալիրի պաշտոնական բացման արարողության ժամանակ իր ելույթում նշեց նախագահ Սերժ Սարգսյանը։

«Մոնթեն առաջին հայացքից բարդ ու հակասական կերպարի հետեւում պարզ ու հասարակ, խիստ սակավապետ, իրեն մյուսներից չգերադասող ու կռվի թոհուբոհի ու դաժանությունների մեջ բյուրեղյա մաքրությունը չկորցրած մարդ էր:

«Նրանից երբեք՝ նույնիսկ ամենաբարդ իրավիճակներում, ոչ ոք հայհոյանք չի լսել. նրա օգտագործած ամենակոպիտ բառը «էշն» էր: Նա մշտապես մտածում էր, որ խրամատի մյուս կողմում կռվող հակառակորդին միշտ պետք է հարգանքով վերաբերվել»,-իր ելույթում նշեց նախագահը:

Պնախարար Վիգեն Սարգսյանն էլ իր ելույթում նշեց,որ լավագույն ուղին ընտրած երիտասարդները արժանին են լավագույն պայմանների։

Վարժարանի տարածքում տեղի ունեցավ նաեւ Մոնթե Մելքոնյանի արձանի բացման արարողությունը:

Քանդակի հեղինակ, ճարտարապետ Լեւոն Թոքմաջյանի խոսքով, քանդակի կերտումը տեւել է երեք տարի։

«Ուրախ եմ, քանի որ վերջապես ավարտին հասցրեցի 3 տարի ձգված աշխատանքը, բայց նաեւ տխուր եմ, քանի որ Մոնթեն այստեղ մենակ է։ Երեք տարի  որոշում էի կանգնեցնել Մոնթեի արձանը Աջափնյակում, իր անունը կրող վարժարանի դիմացի այգում, սակայն պարզվեց, որ վարժարանը տեղափոխում են Դիլիջան, ես էլ ստիպված էի իմ սիրելի Մոնթեին տեղափոխել Դիլիջան»,- նշեց նա։

Նշենք, որ վարժարանի բացման արարողությունը նվիրվել է Հայաստանի ազգային հերոս, Արցախի հերոս Մոնթե Մելքոնյանի ծննդյան հոբելյանին. նոյեմբերի 25-ին լրանում է նրա ծննդյան 60-րդ տարեդարձը:

Միջոցառման շրջանակներում տեղի է ունեցել վարժարանի 80 առաջին կուրսեցիների խոստման արարողությունը, որից հետո հատուկ նշանակության ջոկատի մարտիկների հետ միասին վարժարանի սաները ցուցադրել են «Ճանապարհ դեպի բարձունք» անվանած իրենց մարտական հնարքները:

Հանրապետության Նախագահը հյուրերի հետ միասին շրջայց է կատարել վարժարանում, ծանոթացել ուսումնառության եւ վարժարանի սաների կենցաղավարության համար ստեղծված պայմաններին, ինչպես նաեւ ներկա գտնվել վարժարանում Թումո-բանակ համագործակցությամբ ստեղծված Թումոյի լսարանի բացմանը:

Միջոցառումն ավարտվեց տոնական համերգով եւ հրավառությամբ:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
«Լուսավոր Հայաստանը» հրապարակել է իր համամասնական ցուցակը. 157 թեկնածու
Ստորեւ ներկայացնում ենք ցուցակը, որը գլխավորում է կուսակցության նախագահ Էդմոն Մարուքյանը...
Անցած ամիսները խորը անհանգստություն են առաջացնում. Վիգեն Սարգսյան
Մենք այնպիսի տարածաշրջանում եւ ժամանակահատվածում ենք ապրում, որ յուրաքանչյուր սխալ կարող է ճակատագրական դառնալ...
«Փաստ». «Խառն եմ, ապե». ով ինչ է սպասում ընտրություններից
Ընտրությունների ավարտին սպասողներն, ընդ որում, բավական բազմաշերտ են...
«Ժողովուրդ». Հետաքրքիր իրավիճակ Ռոբերտ Քոչարյանի գործով
Վերաքննիչ դատարանի նախագահը դարձյալ բացակայում է ՀՀ-ից...
«Հրապարակ». «Նիկոլ՝ վարչապետ» կարգախոսի հեղինակը Ալեն Սիմոնյանն է. ովքեր են հիացած դրանով
Հաստատում քննադատությունները, որ «ՔՊ» թեկնածուներն առանց Նիկոլի զրո են...
«Ժամանակ». Ադեկվատը. Ծառուկյանը որոշել է փոխել քարոզարշավի ֆորմատը
ԲՀԿ նախագահ Գագիկ Ծառուկյանը մասնակցելու է կուսակցության նախընտրական քարոզարշավին եւ...
Partner news