Quartz պարբերականը լրտեսական գործառույթ է հայտնաբերել Android օպերացիոն համակարգում: Պարզվում է, որ սմարթֆոնների համար նախատեսված ամենաճանաչված օպերացիոն համակարգը տեղեկատվություն է հավաքում իր օգտատերերի գտնվելու վայրի վերաբերյալ, հաղորդում է Life-ը:
Լրտեսումն իրականացվում է Cell ID տեխնոլոգիայի շնորհիվ: Ակտիվացված ֆունկցիայով սմարթֆոնը տեղեկատվությունը փոխանցում է Google-ին նույնիսկ այն դեպքում, երբ անջատված է GPS-ը եւ հանված է SIM քարտը:
Quartz-ի տվյալներով, Google-ը նման գործառույթ է ներդրել այս տարվա սկզբին: Փորձագետները կարծում են, որ ընկերությունը օգտատերերի գտնվելու մասին տեղեկատվությունը հավաքում է գովազդի առավել արդյունավետ ցուցադրման համար: Ամերիկացիները օգտատերերի գտնվելու վայրի, քաղաքաակն հայացքների եւ այլնի մասին տեղեկատվությունը վաճառում են գովազդատուներին: Ըստ որոշ տվյալների, վերջիններս Alphabet-ին վճարել են շուրջ 1,2 տրլն դոլար: