News
Լրահոս
News
Կիրակի
Օգոստոս 14
USD
405.91
EUR
417.56
RUB
6.66
Տեսնել լրահոսը

Սաուդյան Արաբիայի պետական էլիտայի ձերբակալված ներկայացութցիչները, ներառյալ արքայազնները, հարցաքննությունների ընթացքում կտտանքների են ենթարկվում, հայտնում է Daily Mail-ը՝ վկայակոչելով աղբյուրներին:

«Նրանք նրանց ծեծում են, խոշտանգում, ապտակում, նվաստացնում: Նրանք փորձում են կոտրել նրանց կամքը»,- հայտնել  է աղբյուրը, որը ցանկացել է անհայտ մնալ: 

Աղբյուրի խոսքով՝ խոշտանգումներին մասնակցում է ամերիկյան Academi անվտանգության հաստատությունը, որը Blackwater մասնավոր զինվորական ընկերության ժառանգորդն է: Սակայն Academi-ի ներկայացուցիչը հայտարարել է, որ ընկերությունը խոշտանգումների հետ կապ չունի:

Պարբերականը հայտնում է, որ հարցաքննություններին կարող է մասնակցել անձամբ Սաուդյան Արաբիայի ժառանգորդ արքայազն Մուհամմեդ բեն Սալման Ալ Սաուդը, որոնց միջոցով նա փորձում է բացահայտել արտասահմանյան պաշտոնյաների ցանցը, որոնք արքայազններից կաշառք են ստացել:

Պարբերականի տեղեկություններով՝ ձերբակալվածների բանկային հաշիվներից բռնագրավվել է գրեթե 194 մլրդ դոլար:

Ըստ որոշ տեղեկությունների՝ կասկածյալների ցուցակում է աշխարհի ամենահարուստ մարդկանցից մեկը՝ արքայազն Ալ Վալիդ բեն Տալալը, ինչպես նաեւ պաշտոնանկ արված Ազգային գվարդիայի նախարար արքայազն Միթաբ բեն Աբդալլահ բեն Աբդել Ազիզ ալ Սաուդը։ The Daily Mail-ի աղբյուրները հայտնում են, որ արքայազն Ալ վալիդ բեն Տալալին, որի կարողությունը կազմում է 7 մլրդ դոլար, Academi-ի աշխատակիցները ձերբակալությունից հետո գլխիվար կախել են։

Կալանավորվածների բոլոր մասնավոր բանկային հաշիվները ժամանակավորապես սառեցվել են, իշխանությունները հարեւան երկրների ԿԲ-ներին խնդրել են հայտնել հնարավոր սաուդցի կաշառակերների հաշիվների մասին։

Daily Mail-ի տվյալներով՝ արքայազն Ալ Վալիդ բեն Տալալին գլխիվայր կախել են, որպեսզի ստիպեն ուղերձով հանդես գալ։ Լրատվամիջոցների ձեռքում հայտնվել է լուսանկար, որում սաուդյան արքայազնները քնած են Էր Ռիադի Ritz Carlton հյուրանոցի ներքնակներին։

Նոյեմբերին ավելի վաղ Սաուդյան Արաբիայի կոռուպցիայի դեմ պայքարի բարձրագույն կոմիտեն՝ արքայազն Մուհամմեդ բեն Սալմանի ղեկավարությամբ կարգադրել է ձերբակալել մոտ 40 ազդեցիկ անձանց, որոնց թվում են թագավորական ընտանիքի անդամներ, նախկին նախարարներ, զինվորականներ եւ ձեռնարկատերեր: Սաուդյան Արաբիայում հակակոռուպցիոն արշավի շրջանակներում կատարվող քննության առաջին տեղեկություններով պարզվել է, որ կոռուպցիոն գործողությունների հետեւանքով ավելի քան 100 մլրդ դոլար է յուրացվել:

Սաուդյան Արաբիայում շարունակվում են կալանքները

Սաուդյան Արաբիայի գահաժառանգ արքայազնի գործողություններն անկանխատեսելի են. Սատանովսկի

Մերձավոր Արեւելքի նոր տերը՝ Մուհամեդ բեն Սալման ալ Սաուդ (ֆոտո)

!
Այս նյութը հասանելի է նաև   Русский
Տպել
Կարդացեք նաև
Ամբողջը
Սաուդյան Արաբիան հայտարարել է տասնյակ պետական նախարարությունների 207 աշխատակիցների ձերբակալման մասին
Ձերբակալվածների անունները չեն նշվում, եւ անհասկանալի է, թե երբ են կատարվել ձերբակալությունները․․․
Սաուդյան թագավորի ձերբակալված եղբայրը թագաժառանգ արքայազնին գահը հանձնելու դեմ է հանդես եկել
77-ամյա արքայազն Ահմեդը Երդմնակալության խորհրդի այն երեք անդամներից էր, որը բացահայտ իր առարկություններն է հայտնել այդ մասին թագավորին․․․
Սաուդյան արքայազն Ալվալիդ Բին Թալալը վերադարձել է բիզնես
Նա 266 մլն դոլարի ներդրում է արել Deezer երաժշտական ընկերությունում...
Սաուդյան Արաբիայի իշխանությունները շարունակում են միլիարդատերերին կալանավորված պահել
Նրանց խոշտանգում են, ծեծում եւ քնից զրկում…
Էր Ռիադի իշխանություններր հայտնել են հակակոռուպցիոն գործով ավելի քան 100 մլրդ դոլար առգրավել
Ներկայացված տարբեր ակտիվների տեսքով՝ ներառյալ անշարժ գույք, կոմերցիոն կազմակերպություններ, արժեթղթեր, դրամական միջոցներ եւ այլ ակտիվներ…
Սաուդյան Արաբիայում ազատ են արձակել կոռուպցիայի գործով բոլոր ձերբակալվածներին
Վերջինն ազատվածների թվում է Saudi Bunladin group ընկերության ղեկավար Բաքր բին Լադենը եւ նրա ընտանիքի մյուս անդամները, որոնք ձերբակալվել էին նոյեմբերին կոռուպցիայի դեմ պայքարի զանգվածային արշավի շրջանակներում․․․
Ֆոտոռեպորտաժներ