Հայաստանում կստեղծվի խաղողի ռեեստր, կսկսվի կադաստրային գրանցում: Այս մասին այսօր՝ նոյեմբերի 23-ին, Երեւանում անցկացվող «Գինու համաշխարհային միտումները եւ լավագույն փորձը. հետեւություններ ու առաջարկություններ Հայաստանի համար» խորագրով միջազգային եռօրյա համաժողովի շրջանակում լրագրողների հետ հանդիպման ժամանակ ասաց գյուղատնտեսության նախարար Իգնատի Առաքելյանը:
Նախարարը համոզմունք հայտնեց, որ այն պահից, երբ Հայաստանում խաղողի գրանցված այգիների ցուցակ լինի՝ կոնկրետ նշված տեսակներով, ավելի կհեշտանա ու ավելի արդյունավետ կդառնա գինեգործության եւ կոնյակի արտադրության զարգացումը: «Այսօր մենք արտադրությունը պազապես զարգացնում ենք՝ ելնելով այն բանից, ինչ այս պահին կա դաշտերում: Սակայն մենք կոնկրետ ռեեստր չունենք, որտեղ այս ամենը կգրանցվի»,- պարզաբանեց Առաքելյանը՝ հավելելով,որ այս գործընթացը չափազանց աշխատատար է եւ դժվար կազմակերպվող:
