Երեւանի քաղաքապետ Տարոն Մարգարյանի գլխավորած պաշտոնական պատվիրակությունը Մարսելի քաղաքապետ Ժան-Կլոդ Գոդենի հրավերով մեկնել է Մարսել՝ մասնակցելու Երեւանի եւ Մարսելի միջեւ ստորագրված բարեկամության եւ համագործակցության համաձայնագրի 25-ամյակին նվիրված միջոցառումներին:

Քաղաքապետարանից NEWS.am-ին հայտնում են, որ պաշտոնական այցի շրջանակում նախատեսված է Երեւանի քաղաքապետի հանդիպումը Մարսելի իր գործընկերոջ հետ, ինչպես նաեւ մի շարք հանդիպումներ տեղի գործարար շրջանակների, հայ համայնքի ներկայացուցիչների հետ: