Հայաստանը եւ Գերմանիան փոխանակեցին «Եկամուտների եւ գույքի կրկնակի հարկումը բացառելու եւ հարկումից խուսափելը կանխելու մասին» համաձայնագրի վավերագրերը
ԱԳՆ-ից NEWS.am-ին հայտնում են, որ նոյեմբերի 23-ին ԳԴՀ ԱԳՆ-ում տեղի ունեցավ Հայաստանի Հանրապետության եւ Գերմանիայի Դաշնային Հանրապետության միջեւ «Եկամուտների եւ գույքի կրկնակի հարկումը բացառելու եւ հարկումից խուսափելը կանխելու մասին» համաձայնագրի վավերագրերի փոխանակման պաշտոնական արարողությունը:
Հայկական կողմից համապատասխան արձանագրությունը ստրորագրեց ԳԴՀ-ում Հայաստանի դեսպան Աշոտ Սմբատյանը, իսկ գերմանական կողմից` ԳԴՀ ԱԳՆ իրավական եւ հյուպատոսական հարցերով բաժնի վարիչ Մարիա Մարգարետե Գոսեն:
