Լեհաստանի Սեյմը միաձայն 435 կողմ ձայներով բանաձեւ է ընդունել է հայ համայնքին շնորհած արտոնությունների 650-ամյակի կապակցությամբ:
Բանաձեւում պատգամավորները կարեւորել են հայ համայնքի դերը Լեհաստանի պատմության մեջ եւ հարգանքի տուրք մատուցել նրանց, որոնք տվել են իրենց կյանքը Լեհաստանի անկախության համար, հաղորդում է Լեհաստանի Սեյմի պաշտոնական կայքը:
Փաստաթղթում համոզմունք է հայտնվում, որ լեհերի եւ հայերի համատեղ եղբայրական կյանքը Լեհաստանում համատեղ պատմության նոր գեղեցիկ էջեր կբացի:
Քվեարկությանը ներկա են եղել Լեհաստանում ՀՀ դեսպան Էդգար Ղազարյանը եւ հայ համայնքի ներկայացուցիչներ։
Հիշեցնենք, որ 2017 թվականին Լեհաստանում հայ համայնքը նշում է Կազիմիր Մեծ թագավորի կողմից Լեհաստանում հայ համայնքին շնորհված արտոնությունների 650-ամյակը:
Նշենք, որ նմանատիպ բանաձեւ այս տարվա հոկտեմբերի 19-ին ընդունել էր նաեւ Լեհաստանի Սենատը: Այդ ժամանակ, Լեհաստանում էր գտնվում ՀՀ ԱԺ նախագահ Արա Բաբլոյանը: