Եվրասիական տնտեսական միությանը Հայաստանի անդամակցության պատճառով թանկանում է առաջին անհրաժեշտության արտադրանքի գրեթե 900 տեսակ, ըստ որում՝ 759-ը կթանկանա արդեն 2018 թվականի հունվարի սկզբին: Այս մասին նոյեմբերի 27-ին՝ ԱԺ–ում «Եվրասիական տնտեսական միության մասին պայմանագրից Հայաստանի դուրս գալու գործընթացի մեկնարկի մասին» լսումների ժամանակ, ասել է «Ելք» խմբակցության պատգամավոր Էդմոն Մարուքյանը։
Նրա խոսքով՝ հատկապես սա է վերջին շրջանում երկրում արդեն սկսված գնաճի հիմնական պատճառը: «ԵՏՄ-ին անդամակցությունը սահմանափակում է երրորդ երկրնոերի հետ տնտեսական համագործակցության հնարավորությունները, այդ թվում՝ իր անմիջական հարեւանների՝ Վրաստանի եւ Իրանի հետ»,- հավելեց Մարուքյանը:
Հիշեցնենք, որ «Ելք» դաշինքը պարբերաբար բարձրացնում է ԵՏՄ-ից Հայաստանի դուրս գալու հարցը՝ փորձելով այն ամեն կերպ պահել երկրի քաղաքական օրակարգում:
