Հյուսիսային Կորեայի Կենտրոնական հեռուստատեսությունը առաջին անգամ ցուցադրել է «Հվասոն-15» նոր հրթիռի նախապատրաստման եւ արձակման կադրերը, որը, ինչպես պնդում են, կարող է թիրախները խոցել ԱՄՆ ամբողջ տարածքում եւ հզոր մարտագլխիկ կրել, փոխանցում է «ՌԻԱ Նովոստի»-ն:
Կադրերը ցուցադրել է Ճապոնական NHK հեռուստաընկերությունը:
Տեսացիկները պատկերել են ուշ գիշերով արձակման համալիրի վրա կանգնեցված հրթիռը եւ բուն արձակումը: Ցուցադրվել է նաեւ շարժական ինքնագնաց արձակման հարթակը, որով տեղափոխել են երկաստիճան հրթիռը:
Ճապոնացի մասնագետները նշել են, որ առաջին անգամ են տեսնում ինքնագնաց արձակման հարթակի նման տեսակ՝ այն յուրաքանչյուր կողմից 9 անիվ ունի:
