Կրիպտոարժույթ  բիթքոինը, որը արտացոլում է բոլոր թողարկված  մետաղադրամների արժեքը, գերազանցել  է 210 մլրդ դոլարի արժեքային սահմանը, վկայում են CoinMarketCap-ի հրապարակած տվյալները։

Ժամը 10։50-ի դրությամբ մեկ բիթքոինի արժեքը հասել է 12,6 հազար դոլարի, այն ժամանակ, երբ կրիպտոարժույթի կապիտալացումը կազմել է 211,2 մլրդ դոլար։ Այս մասին հայտնում է ՌՆՍ-ը։

ԱՄՆ հումքային ֆյուչերսների առեւտրի հարցերով հանձնաժողովն առաջին անգամ CME Group-ին (աշխարհում ամենամեծ բորսայական օպերատորին) թույլատրել է իրականացնել բորսայական ֆյուչերսական գործարքներ բիթքոիններով։ Սպասվում է, որ այս ֆյուչերսներով առեւտուրը կմեկնարկի դեկտեմբերի 18-ին։