Կուբայում ԱՄՆ դեսպանատան մի քանի տասնյակ աշխատակիցների վիճակը ուսումնասիրող բժիշկները հիվանդների ուղեղներում անոմալիաներ են հայտնաբերել: Հետազոտության ընթացքում պարզվել է, որ ուղեղի տարբեր մասերում սպիտակ նյութի կառուցվածքում շեղումներ կան, հաղորդում է Meduza-ն:
Ավելի վաղ, հաղորդվել էր, որ Կուբայի ԱՄՆ դեսպանատանը բնակվող 24 մարդ ձայնային հարձակումից կարող էր տուժել:
Որոշ դիվանագետներ բողոքել էին լսողության կորստից, նրանցից մեկը ստիպված էր լսողական սարք կրել:
Թե ինչն է սպիտակ նյութում փոփոխությունների պատճառ դսարձել, հայտնի չէ:
Ըստ Associated Press-ի՝ ձայնային ալիքները չէին կարող նման ազդեցության հանգեցնել:
2016-ի վերջից Կուբայում ԱՄն դեսպանատան աշխատակիցները սկսել էին վատ ինքնազգացողությունից բողոքել, այդ թվում գլխացավերից եւ տարածության մեջ վատ կողմնորոշվելուց:
Ըստ վարկածներից մեկի՝ պատճառներից մեկը ձայանին հարձակումը կարող էր լինել:
Կուբան նշել է, որ որեւէ առնչություն չունի ամերիկյան դիվանագետների եւ նրաց հարազատների ինքնազգացողության վատթարացման հետ: