Հայաստանի ԱԻՆ-ում, այսօր՝ դեկտեմբերի 7-ին, ժամը 07:49-ին ահազանգ է ստացվել, որ Ջրվեժ-Սեւան ավտոճանապարհին տեղի է ունեցել ավտովթար. անհրաժեշտ է փրկարարների օգնությունը:
Դեպքի վայր է մեկնել հատուկ նշանակության փրկարարական աշխատանքների իրականացման կենտրոնի փրկարարական ջոկատ:
Պարզվել է, որ Ջրվեժ-Աբովյան ավտոճանապարհին՝ «Ծիրանի» ռեստորանի մոտակայքում, բախվել են «DAF» մակնիշի AX9231XP պետհամարանիշի (վարորդ՝ Վ. Ս., Ուկրաինայի Հանրապետության քաղաքացի) եւ «Skoda oktavia» մակնիշի 21 UO 067 պետհամարանիշի (վարորդ՝ Ա. Ա.) ավտոմեքենաները, ինչի հետեւանքով «Skoda oktavia» մակնիշի ավտոմեքենան արգելափակվել է բեռնատար ավտոմեքենայի տակ: Տուժածներ չկան:
Փրկարարները «Skoda oktavia» մակնիշի ավտոմեքենան դուրս են բերել երթեւեկելի մաս: