Սա չափազանց կարեւոր օրինագիծ է: Այս մասին դեկտեմբերի 7-ին ԱԺ նիստում «Դատական ակտերի հարկադիր կատարման մասին» օրենքում փոփոխություններ եւ լրացումներ կատարելու մասին օրինագծի քննարկման ժամանակ ասաց արդարադատության առաջին փոխնախարար Արթուր Հովհաննիսյանը:
Նրա խոսքով՝ ընդհանուր առմամբ, դատական ակտերի հարկադիր կատարման գործում բավականին մեծ թվով բարեփոխումների իրականացում է նախատեսված: «Եվ հիմա ընդհանրացված տեսքով ներկայացվում է ԱԺ քննարկմանը: Այս օրինագիծն առաջարկել է վարչապետը»,- պարզաբանեց Հովհաննիսյանը՝ հավելելով, որ կոնկրետ ժամկետներ են սահմանվել հարկադիր կատարողի կողմից իր պարտականությունների իրականացման համար, այդ թվում՝ որոշումներ ընդունելիս:
Նա նշեց, որ հարկադիր կատարողի կողմից ակտի հարկադիր կատարման ժամկետը 2 ամիս է տեւում, սակայն հիմա դատական ակտերի հարկադիր կատարման մասին որոշում ընդունելու ժամանակ չի նշվում:
