News
Լրահոս
News
Չորեքշաբթի
Նոյեմբեր 21
Տեսնել լրահոսը

Տավուշի մարզում նորածնի սպանության գործով դատական առաջին նիստը նշանակվել է դեկտեմբերի 14-ին:

Գործը քննվելու է Տավուշի մարզի ընդհանուր իրավասության դատարանի Բերդի նստավայրում, դատավորն է Զոյա Զաքինյանը: Նշենք, որ այս գործով ամբաստանյալը նորածնի տատիկն է, իսկ տուժողի իրավահաջորդը՝ նորածնի մայրը:

Ըստ մեղադրական եզրակացության՝ Հրածին Փ.-ն սեպտեմբերի 27-ին գիշերը Նորաշեն գյուղում գտնվող իրենց առանձնատան պատշգամբում աղջկա արտաամուսնական կապից հղիությունը թաքցնելու և նորածին երեխայի անցանկալի լինելու դրդապատճառով, ապօրինաբար կյանքից զրկելու նպատակով դիտավորությամբ պարանոցի աջ և ձախ կողմնային երեսներից սեղմելու միջոցով մեխանիկական շնչահեղձության հասցնելով սպանել է երեխային, ապա գցել արտաքնոցի փոսի մեջ:

Նորածնի տատիկին մեղադրանք է առաջադրվել Քրեական օրենսգրքի 104-րդ հոդվածի 1-ին մասով: Նա կալանավորված է:

Ավելի վաղ Քննչական կոմիտեն հաղորդել էր, որ սեպտեմբերի 27-ին ժամը 05:10-ին Բերդի բժշկական կենտրոնից հաղորդում էր ստացվել, որ բուժօգնության է դիմել մարզի 33-ամյա բնակչուհին: Պարզվել է, որ Տավուշի մարզի բնակչուհին, գտնվելով 36-37 շաբաթական հղիության ընթացքում, սեպտեմբերի 27-ին՝ ժամը 02:00-ի սահմաններում, ծննդաբերել է իրենց առանձնատան պատշգամբում մոր՝ 57-ամյա կնոջ ներկայությամբ։

Նախնական տվյալներով՝ ծնվելուց հետո երեխան ճիչ է արձակել, ապա, ըստ բացատրությունների, լռել, որից հետո ծննդկանի մայրը երեխային փաթեթավորել է պոլիէթիլենային տոպրակի մեջ և գցել հարակից այգում կառուցված արտաքնոցի փոսի մեջ:

Հարուցված քրեական գործով ստացվել է նորածնի դիակի դատաբժշկական փորձաքննության եզրակացությունը. «Պտղի մահվան պատճառ է հանդիսացել մեխանիկական շնչահեղձությունը, որը պայմանավորված է պտղի պարանոցի օրգանների բութ, կոշտ առարկայով սեղմելու հետևանքը և որը հիմնավորվում է պարանոցի շրջանում փափուկ հյուսվածքների և ստորադիր փափուկ հյուսվածքների արյունազեղումներով, մեխանիկական շնչահեղձությանը բնորոշ թոքերի էմֆիզեմայով, միջալվեոլային պատերի պատռվածքով, բրոնխոսպազմով:  Հայտնաբերված նման վնասվածքները կենդանի անձանց մոտ ունեն առողջության ծանր վնասի հատկանիշներ, որոնցով էլ պայմանավորված է մահը»:

Ըստ փորձագետների՝ վնասվածքներն առաջացել են շատ կարճ ժամանակահատվածում՝ րոպեներ առաջ:

Քրեական գործով փաստական տվյալներ են ձեռք բերվել, որ նորածնին կյանքի հետ անհամատեղելի վնասվածքը պատճառվել է նորածնի տատի կողմից:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մահվան ելքով վրաերթ Արարատում. հետիոտնը արգելապատնեշի վրայով անցնելով՝ վրաերթի է ենթարկվել եւ մահացել (ֆոտո)
Պատճառներից մեկն էլ արտաքին լուսավորության բացակայությունն է եղել...
Արտակարգ դեպք Երեւանում. քաղաքացին բենզինով լի շշով փորձել է ՌԴ դեսպանատան դիմաց ինքնահրկիզվել
Փաստի առթիվ Ոստիկանության կենտրոնական բաժնի հետաքննչական բաժանմունքում նյութեր են նախապատրաստվում...
Հայտնի են «Շերեմետեւո» օդանավակայանում հայ տղամարդու մահվան մանրամասները
Դրանից հետո թռիչքուղի են ուղարկել ավիացիոն անվտանգության աշխատակիցների, որոնք գտել են մարդու մարմնի մասեր...
2018թ. բուժհաստատություններում կոռուպցիոն դեպքերով ավելի քան 500 մլն դրամի վնաս է հասցվել. հարուցվել է 41 քրգործ
Դրանք վերաբերում են բժշկական հաստատություններում պաշտոնեական դիրքի օգտագործմամբ կատարված յուրացումների, պաշտոնեական դիրքի օգտագործմամբ…
Քենիայում զինված մարդկանց խումբը հարձակվել է առեւտրի կենտրոնի վրա եւ առեւանգել 23-ամյա իտալուհու
Նշվում է, որ հարձակվողները «անկանոն կրակում էին» Կալաշնիկով հրացաններից....
ՌԴ-ում Հայաստանի դեսպանատունը հաստատել է, որ Շերեմետեւո օդանավակայանում մահացած տղամարդը ՀՀ քաղաքացի է
«ՌԴ ՔԿ-ից դիվանագիտական ներկայացուցչությանը տեղեկացրել են, որ միջադեպի բոլոր հանգամանքներն ու պատճառները պարզելու համար քննչական....
Partner news