Տեղեկությունն այն մասին, որ Ռամզան Կադիրովի դուստրը`Այշատ Կադիրովան, Գրոզնիում ներքնազգեստի խանութ է բացել, սուտ է, հաղորդում է ՌԲԿ-ն` վկայակոչելով Չեչնիայի ղեկավարի գրասենյակին:
«Դա ստոր եւ կեղտոտ սուտ է: Ուզում եմ զգուշացնել նրանց, ովքեր փորձում են նման զրպարտություններով ստվեր գցել մեր առաջնորդ Ռամզան Կադիրովի եւ նրա ընտանիքի վրա: Դուք պետք է ամեն բառի համար պատասխան տաք» — հայտարարել է Չեչնիայի Ազգային քաղաքականության, արտաքին հարաբերությունների, մամուլի եւ տեղեկատվության նախարար Ջամբուլաթ Ումարովը:
BBC-ի ռուսական ծառայությունը դեկտեմբերի 7-ին հաղորդել էր, որ նոյեմբերի վերջին Գրոզնիի կենտրոնում բացվել է Lady A կանանց ներքնազգեստի եւ աքսեսուարների բուտիկը:
Վկայակոչելով սոցիալական ցանցերում բուտիկի հյուրերի հրապարակումներին՝ BBC-ն խանութի սեփականատեր էր անվանել է Չեչնիայի ղեկավարի 18-ամյա դստերը`Այշատ Կադիրովային:
