Տոկիում սպանվել է Տոմիոկա Հաթիման-գու տաճարի մայրապետը, փոխանցում է «ՌԻԱ Նովոստին»՝ հղում անելով ոստիկանությանը: Սպանությունը տեղի է ունեցել դեկտեմբերի 7-ին Տամիոկա շարջանում: Սպանվել են եկեղեցու մայրապետ Նագակո Տամիոկան՝ 58 տարեկան եւ երկու կասկածյալ՝ մի տղամարդ՝ Սիգենագա Տամիոկան, որը հավանաբար նրա կրտսեր եղբայրն է, եւ նրա կինը՝ մոտ 30 տարեկան մի կին, որի անունը դեռ հայտնի չէ: Նաեւ վիրավորվել է եկեղեցու մայրապետի վարորդը:
Երբ մայրապետն իր տան մոտ դուրս է եկել մեքենայից, նրա վրա է հարձակվել կասկածյալը՝ զինված ճապոնական թրով: Նրա կինը վազել է վարորդի հետեւից, նրա ձեռքում նույնպես ճապոնական թուր է եղել: Կասկածյալը Նագակո Տամիոկայի պարանոցին մի քանի հարված է հասցրել, որից նա մահացել է: Նրա կինն այդ ընթացքում վիրավորել է վարորդին: Ապա կասկածյալը մի քանի հարված է հասցրել իր հանցակցի կրծքին, որից հետո ինքնասպան է եղել:
Միեւնույն ժամանակ ճապոնական լրատվամիջոցներում տեղեկատվություն է հայտնվել, որ եղբայրը նախկինում այդ եկեղեցու հայրապետի պաշտոնն է զբաղեցրել, բայց «վատ վարքի համար» փոխարինվել է: Կա նաեւ տեղեկություն այն մասին, որ իբր նա «բազմամյա վիրավորանք» արտահայտությամբ գրություն է թողել, սակայն ոստիկանությունը դա պաշտոնապես չի հաստատում:
