ԱՄՆ առաջին տիկին Մելանյա Թրամփը պատմել է, թե իրականում որտեղ կցանկանար դիմավորել Սուրբ Ծնունդը: Պարզվել է, որ դա ամենեւին էլ Վաշինգթոնը չէ, գրում է Washington Examiner-ը:
«Ես կցանկանայի տոներն անցկացնել ընտանիքի հետ անմարդաբնակ արեւադարձային կղզում», - ասել է Մելանյան Վաշինգթոնի Մանկական ազգային հիվանդանոցի փոքրիկ հիվանդների հետ հնդիպման ընթացքում:
Իրականում ԱՄՆ նախագահի ընտանիքը կվայելի տոնական ընթրիքը՝ նախքան Սուրբ Ծննդյան պատարագին մեկնելը: Հարցին, թե ինչ նվեր կուզի ստանալ Սանտա Կլաուսից, առաջին տիկինը պատասխանել է. «Խաղաղություն ամբողջ աշխարհում, առողջություն, սեր եւ բարություն»: Սուրբ Ծննդյան նախօրեին մանկական հիվանդանոցներ այցելելու ավանդույթին 60 տարի առաջ հիմք էր դրել առաջին տիկին Բես Թրումենը:
