Եվրախորհրդի նախագահ Դոնալդ Տուսկը դեկտեմբերի 7-ին անցկացվող Եվրամիության գագաթնաժողոի նախաշեմին ԵՄ երկրներին ղեկավարներին կոչ է արել առաջ մղել եվոպական արժութային միության բարեփոխումը, հայտնում է Süddeutsche Zeitung պարբերականը:
Հրավերին կից նամակում նա դիմել է խնդրանքով՝ պատասխանել 2 հարցի: Առաջին՝ պետությունների եւ կառավարությունների ղեկավարները համաձա՞յն են, որ իրենց ֆինանսների նախարարները շարունակեն քննարկել թեմաները, որոնց շուրջ ԵՄ երկրների միջեւ նվազագույն տարաձայնություններ կան: Խոսքը, մասնավորապես, Եվրոպական կայունացնող մեխանիզմը Արժույթի եվրոպական հիմնադրամի (ԱԵՀ) վերափոխման մասին է, որը կենթարկվի Եվրախորհրդարանին:
Ծրագրվում է ԱԵՀ-ն ստեղծել Արժույթի միջազգային հիմնադրամի օրինակով, որը մինչեւ հիմա ԵՄ՝ տնտեսական խոր ճգնաժամում հայտնված երկրների փրկության գործում կենտրոնական դերակատարում է ունեցել: Տուսկը միաժամանակ առաջարկել է արդեն մոտ ժամանակներում մշակել Եվրոպական բանկային միության ստեղծման նոր ժամանակացույցը:
Եվրախորհիդի նախագահը նաեւ առաջիկա գագաթնաժողովի մասնակիցներին խնդրել է պատասխանել՝ արդյոք նրանք պատարա՞ստ են 2018-ի հունիսին վերադառնալու այս թեմաների քննարկմանը՝ «առաջին որոշումներն ընդունելու նպատակով»:
