Մեծ Բրիտանիայի ԱԳ նախարար Բորիս Ջոնսոնի եւ Իրանի ԱԳ նախարար Ջավադ Զարիֆի միջեւ բանակցությունները Թեհրանում կառուցողական եւ օգտակար են եղել։ Այսպես է դրանք բնութագրել Մեծ Բրիտանիայի ԱԳ նախարարը, փոխանցում է ՏԱՍՍ-ը։
Նրա խոսքով՝ 2 ժամ տեւած անկեղծ բանակցություններից հետո նախարարները պայամանավորվել են համատեղ աշխատել երկկողմ եւ տարածաշրջանային անվտանգությանը վերաբերող որոշ առավել կարեւոր հարցերով առաջընթաց գրանցելու համար։
Ջոնսոնը ցավակել է Զարիֆին ավերիչ երկրաշարժի կապակցությամբ, իսկ հետո անդրադարձ է եղել Իրանի միջուկային ծրագրին։ Ջոնսոնն ընդգծել է, որ Լոնդոնը պաշտպանում է միջուկային գործարքը եւ ձգտում է հասնել դրա ամբողջական կատարմանը։
Կողմերը նաեւ քննարկել են մերձավորարեւելյան խնդիրներն ու երկկողմ հարցերը։