ԱՄՆ Քալիֆորնիա նահանգի իշխանությաունները տարհանումը վերսկսել են բնական հրդեհների հետ կապված սպառնալիքի պատճառով, հայտնում է CBS-ը:
Ամերիկյան իշխանությունները շաբաթ օրը հայտնել են Քալիֆորնիայում բնական հրդեհների հետեւանքով առաջին զոհի մասին:
Տարհանում է իրականացվում Կարպինթերիում եւ Մոնթեսիտոյում: «Տարհանման ժամանակն այն չէ, երբ հրշեջ մեքենաներ ենք ուղարկում, ուստի երբ ծանուցում ենք տարհանման մասին, խնդրում ենք տեղանքը հնարավորինս արագ լքել»,- հայտնել է հրշեջ ծառայության ներկայացուցիչը:
Քալիֆորնայում անտառային հրդեհները սկսվել էին դեկեմբերի 4-ին, կրակի տարածմանը նպաստում էր քամոտ եւ չոր եղանակը, որը, օդերեւութաբանների կանխատեսումներով, կպահպանվի մինչեւ կիրակի: Վերջին տվյալներով՝ նահանգում այրվել է 57 հա տարածք, 212 հազար մարդ տարհանվել է: ԱՄՆ նախագահ Դոնալդ Թրամփը Քալիֆորնիայում արտակարգ դրություն է հայտարարել: