Կամչատկայի հյուսիսում գտնվող ինքնաթիռի, ինչպես նաեւ օդանավակայանի անձնակազմը խախտել է ավիացիոն կանոնները, ինչը Ուստ-Խայրուզովոյի թռիչքային գոտում ծանրոցների հետ կապված միջադեպի պատճառ է դարձել։ Այս մասին «ՌԻԱ Նովոստի»-ին հայտնել է Ռուսաստանի Դաշնության փոստի Հեռավոր Արեւելքի կորպորատիվ հաղորդակցության հարցով ղեկավար Ելենա Ռիժկովան:
Նա հավելել է, որ այս հարցով օդանավակայանում ծառայողական ստուգումներ են սկսվել։
«Փոստային ծանրոցները չեն տուժել։ Ամբողջ փոստը հավաքվել եւ ամբողջությամբ ստուգվել է, որից հետո նոր ուղարկվել է տեսակավորման կենտրոն»,-նշել է Ռիժկովան։
Ավելի վաղ համացանցում տարածվել էր Կամչատկայի թռիչքային գոտում արված մի տեսանյութ, որտեղ երեւում էր, թե ինչպես է ինքնաթիռը տեղից շարժվում ծանրոցների կույտի մոտից, որոնց հարվածում է ինքնաթիռի տուրբինների օդային հոսքը։