Սիրիայից ռուսական զորքերի դուրս բերման մասին հաղորդումը չի ազդի Սիրիայում ԱՄՆ գործողությունների եւ առաջնահերթությունների վրա։ Այս մասին «ՌԻԱ Նովոստի»-ին հայտնել է Պենտագոնի ներկայացուցիչ Էրիկ Պեխոնը։
«Ռուսական կողմի հաղորդումը զորքերի դուրսբերման մասին դեռ չի ենթադրում քանակակազմի իրական կրճատում եւ չի ազդի Սիրիայում ԱՄՆ առաջնահերթությունների վրա։ Գլոբալ կոալիցիան շարունակում է իր գործունեությունը Սիրիայում»,-հայտարարել է Պեխոնը։
Ավելի վաղ Ռուսաստանի նախագահ Վլադիմիր Պուտինը հայտարարել էր Սիրիայում՝ Եփրատի երկու ափերին, ԻՊ-ի վերջնական ոչնչացման մասին։ Երկուշաբթի ՌԴ նախագահը այցելել էր Սիրիայում ռուսական Հմեյնիմ ավիաբազա, որտեղ հրաման էր արձակել սկսել ռուսական զորքերի դուրսբերումը։
