Այսօր` դեկտեմբերի 11-ին, բացվեց Ինեկոբանկի «Ավետիսյան» մասնաճյուղը:
«Ավետիսյան» մասնաճյուղը Արաբկիր համայնքում Ինեկոբանկի 4-րդ սեգմենտավորված մասնաճյուղն է: Նորաբաց մասնաճյուղը մատուցելու է բանկային ծառայություններ ֆիզիկական անձանց :
Մասնաճյուղը, տեղակայված լինելով համայնքի բանուկ հատվածներից մեկում եւ ունենալով կանխիկի մուտքագրման եւ ելքագրման տերմինալներով կահավորված 24/7 սպասարկման տարածք, կապահովի հաճախորդների հասանելիությունը հաշիվներին օրվա ցանկացած ժամի, շաբաթը 7 օր:
«Հաճախորդների հարմարավետ սպասարկումը եւ որակյալ ծառայությունների մատուցումը բանկի ռազմավարական նպատակներից է: Այն իրագործելու համար մենք շարունակելու ենք ընդլայնել սեգմենտավորված մասնաճյուղային ցանցը, ինչպես նաեւ վերափոխելու ենք առկա մասնաճյուղերը` հաշվի առնելով թե´ անհատ, թե´ բիզնես հաճախորդների պահանջմունքները:
Նոյեմբերի սկզբից մինչ օրս մենք ունենք արդեն 2 նորաբաց եւ մեկ վերափոխված սեգմենտավորված մասնաճյուղ: 2018 թվականին մասնաճյուղերի բացման գործընթացը շարունակական է լինելու: Պլանավորվում է տարեսկզբին Կասկադի տարածքում բացել եւս մեկ մասնաճյուղ, որն էլ ավելի կամրապնդի Ինեկոբանկի ներկայությունը Կենտրոն համայնքում:
Մասնաճյուղային ցանցի ընդլայնմանը զուգահեռ շարունակում ենք բարձրացնել բանկային ծառայությունների մատուցման հասանելիությունն ու հարմարավետությունը` կիրառելով ժամանակակից տեխնոլոգիաներ: Դրա վառ ապացույցն է Հայաստանում ամենատարածված ֆինանսական հավելվածը` InecoMobile-ը, որի շնորհիվ Բանկի հաճախորդներին ապահովում ենք հաշիվների, վարկերի եւ ավանդների 24/7 հասանելիություն եւ օնլայն ռեժիմով գործարքների իրականացում ընդամենը մեկ քլիքով»,-նշեց իր ելույթում Ինեկոբանկի Զարգացման եւ մարքեթինգի տնօրեն Արեն Նալթակյանը լրագրողների հետ զրույցի ժամանակ:
«Ավետիսյան» մասնաճյուղը գտնվում է Ավետիսյան 63/41 հասցեում, աշխատանքային ժամերն են երկուշաբթի - ուրբաթ, ժամը 09:05-17:00, շաբաթ` ժամը 10:00-15:00:
Արդեն 21 տարի է Ինեկոբանկը մատուցում է բարձրորակ բանկային ծառայություններ եւ սպասարկում է ավելի քան 400,000 հաճախորդ բանկի 24 մասնաճյուղերում:
