Կոտայքի մարզի Ներքին Պտղնի գյուղի գերեզմանատանը դեկտեմբերի 11-ին, 50-ամյա տղամարդու դի է հայտնաբերվել: shamshyan.com-ի փոխանցմամբ, ժամը 17։00-ի սահմաններում Ոստիկանության Կոտայքի բաժին «Աբովյան» բժշկական կենտրոնից ահազանգ է ստացվել, որ շտապօգնության բրիգադը կանչով մեկնել է Ներքին Պտղնի գյուղ, որտեղ գերեզմանոցում հայտնաբերել է տղամարդու դի։ Մահացած տղամարդու իրավապահները հայտնաբերել են գերեզմանների ցանկապատից երկու ձեռքով բռնված, կզակը ցանկապատին հենած, կիսանստած վիճակում, նա Պտղնի գյուղի բնակիչ 50-ամյա Արսեն Մանասարյանն է։
Փաստի առթիվ Ոստիկանության Կոտայքի բաժնի հետաքննչական բաժանմունքում հետաքննություն է սկսվել։ Նշանակվել է դատաբժշկական փորձաքննություն՝ պարզելու համար մահվան հանգամանքները: