Մեծ Բրիտանիայի կառավարությունը որոշել է տուգանել սոցիալական ցանցերին երեխաներին թրոլինգից ոչ բավարար կերպով պաշտպանելու համար։ The Sun պարբերականն ուսումնասիրել է Twitter սոցիալական ցանցի հաշիվները եւ եկել այն եզրակացության, որ թրոլինգը ամենասարսափելի բանը չէ, ինչին կարող են բախվել երեխաները սոցիալական ցանցում։
Պարբերականին հաջողվել է մանկապիղծների բազմաթիվ հաշիվներ հայտնաբերել, որոնք Twitter–ում պատմում են երեխաների նկատմամբ իրենց հակումների մասին։ Ընդ որում, նրանք բոլորը նշում են, որ չեն հանդիպում երեխաների հետ, այսինքն՝ օրենքը չեն խախտում։ The Sun–ը նշում է, որ մանկապիղծները որպես գլխավոր նկար են օգտագործում մուլտֆիլմերի հերոսների, որոնք դուր են գալիս երեխաներին։
Չնայած այն հանգամանքին, որ նման օգտատերերը հերքում են երեխաների հետ շփումները, նրանք բացեիբաց քննարկում են իրենց սեքսուալ նախասիրությունները եւ պնդում են, որ իրենց սեռական կողմնորոշումը ոչնչով չի տարբերվում նույնասեռականությունից։ Բացի այդ, մանկապիղծները պնդում են, որ իրենք հալածյալ փոքրամասնություն են, փոխանցում է Life–ը։
Որոշ բրիտանացի քաղաքական գործիչներ եւ ՀԿ ներկայացուցիչներ սոցցանցից պահանջել էին արգելափակել մանկապիղծների հաշիվները։