Ազգային ժողովն այսօր՝ դեկտեմբերի 13-ին, արտահերթ նիստի ընթացքում հապշտապ քվեարկության դրեց եւ ընդունեց մի շարք օրինագծեր:
Այսպիսով, «Շահութահարկի մասին» Հայաստանի Հանրապետության օրենքում լրացումներ եւ փոփոխություններ կատարելու մասին նախագծին կողմ քվեարկեց 70 պատգամավոր, դեմ՝ 27 եւ ձեռնպահ՝ 1: «Հայաստանի Հանրապետության բյուջետային համակարգի մասին» օրենքում փոփոխություններ եւ լրացումներ կատարելու մասին եւ կից ներկայացված օրենքի նախագծերի փաթեթն առաջին ընթերցմամբ ընդունվեց 99 կողմ ձայնով, Հայաստանի Հանրապետության քաղաքացիական օրենսգրքում փոփոխություններ եւ լրացումներ կատարելու մասին նախագծին կողմ քվեարկեց 98 պատգամավոր:
«Հայաստանի Հանրապետության կենտրոնական բանկի մասին» Հայաստանի Հանրապետության օրենքում փոփոխություններ եւ լրացումներ կատարելու մասին եւ կից ներկայացված նախագծերի փաթեթն երկրորդ ընթերցմամբ եւ ամբողջությամբ ընդունվեց 89 կողմ, 9 դեմ ձայներով:
Հայաստանի Հանրապետության հարկային օրենսգրքում փոփոխություններ կատարելու մասին օրենքի նախագիծը երկրորդ ընթերցմամբ եւ ամբողջությամբ ընդունվեց 70 կողմ եւ 28 դեմ ձայներով:
Նշենք, որ ԱԺ-ն այսօր ավարտեց իր աշխատանքները: Վաղը երկրորդ ընթերցմամբ կքննարկվեն այսօր առաջին ընթերցմամբ ընդունված չորս նախագիծ, որից հետո կլինի քվեարկություն եւ արտահերթ նիստն այսքանով կավարտվի:
