Հայաստանի վարչապետ Տիգրան Սարգսյանը հարցազրույց է տվել ռուսական РБК daily գործակալությանը։ Ստորեւ ներկայացնում ենք մի հատված հարցազրույցից։
Ի՞նչ առավելություններ են ստանում ներդրողները։
Արտաքին եւ ներքին ներսդրողների համար մեզ մոտ պայմանները հավասար են։ Այդ դիրքորոշումը ամրապնդված է օրենսդրորեն, ինչը հարմար է օտարերկրյա կապիտալի համար՝ այն աշխատում է ընդհանուր հիմունքներով։ Չկան սահմանափակումներ կապիտալ հաշիվների եւ ընթացիկ գործառույթների գծով, կարելի է ազատորեն փոխանակել եւ դուրս բերել եկամուտը։
Իսկ հարկերի տարկետումներ կամ արտոնություններ կա՞ն։
Եթե մենք խոսում ենք խոշոր ներդումների մասին, ապա կարելի է 3 տարով հետաձգել ավելացված արժեքի հարկը։ Հետաձգել, ոչ թե դուրս գրել։
Ձեզ մոտ չկա՞ն օֆշորային տնտեսության խնդիրներ։
Ռուսաստանում երկար ժամանակ կապիտալի դուրս բերման սահմանափակումներ կային, գործարքի անձնագրային խիստ ինստիտուտ։ Մեզ մոտ սկսած 1994 թ.-ից նման ռեժիմներ չեն եղել։ Այդ պատճառով անիմաստ էր կիրառել արտերկրի օրենսդրությունը, եւ բիզնեսը ստեղծվեց Հայաստանում: Մենք ինքներս մեզ դիտարկում ենք որպես օֆշորային գոտի, որոշ իմաստով՝ որպես տարածաշրջանային ֆինանսական սեկտոր: Մեզ մոտ ֆինանսական սեկտորի 50 տոկոսից ավելին վերահսկում են արտասահմանցիները։
Ինչպիսի՞ն է միջին հարկային բեռը բիզնեսի համար։
Մենք նայում ենք նրան, թե ինչպիսին ենք հարեւանների ֆոնի վրա։ Մակրոտնտեսական ցուցանիշների համաձայն՝ երեւում է, որ հարկերի գումարային բեռը ՀՆԱ-ում չի գերազանցվում 30 տոկոսը: Կան երկրներ, որտեղ այդ ցուցանիշը գերազանցում է 45-50 տոկոսը: Այստեղ խոսքը գնում է ընդհանուր հարկային ներուժի, այլ ոչ թե հավաքագրվող հարկերի մասին։
