Կեղծ դիպլոմ ներկայացնելու մեջ մեղադրվող՝ զորամասի կրտսեր սերժանտը տուգանվել է 200 հազար դրամով:
Ըստ մեղադրական եզրակացության՝ Արսենը սպայական պաշտոն ստանալու համար չի ունեցել բարձրագույն կրթություն: 2016թ․ նոյեմբերին նա զորամասի համալրման բաժանմունք է ներկայացրել Հայաստանի պետական ճարտարագիտական համալսարանի Գյուրմրու մասնաճյուղը 2012թ․ ավարտելու վերաբերյալ, համակարգչին կից գունավոր շիթային տպիչ սարքով տպված՝ ՀՀ պետական ստանդարտ թողարկմանը չհամապատասխանող ձևաթուղթ հանդիսացող դիպլոմի պատճենը, որը դեռևս 2014թ․ նոյեմբերին որպես նվեր է ստացել իր նախկին համածառայող ընկերոջից: Ակնհայտ կեղծ փաստաթղթի առկայության պայմաններում Արսենը ՀՀ պաշտպանության նախարարի հրամանով նշանակվել է զորամասի հատուկ նշանակության 3-րդ ջոկատի 3-րդ վաշտի 1-ին խմբի հրամանատարի պաշտոնում և նրան շնորհվել է առաջին սպայական «լեյտենանտ» զինվորական կոչում։
Երեւանի Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանն Արսենին մեղավոր է ճանաչել է Քրեական օրենսգրքի 325-հոդվածի 1-ին մասով և դատապարտել տուգանքի՝ 200 հազար դրամի չափով: