Պետական-իրավական եւ մարդու իրավունքների պաշտպանության հարցերի մշտական հանձնաժողովում քննարկվող օրենքները մեծ նշանակություն ունեն, սակայն միեւնույն ժամանակ հապշտապ են քննարկվում: Պետական-իրավական եւ մարդու իրավունքների պաշտպանության հարցերի մշտական հանձնաժողովում քննարկման ժամանակ նման կարծիք է հայտնել «Ծառուկյան» դաշինքի պատգամավոր Գեւորգ Պետրոսյանը:
Ըստ նրա՝ նման իրավիճակը անթույլատրելի է: «Այնպիսի տպավորություն է, կարծես նորաձեւության ամսագիր ենք թերթում: Ինչպե՞ս մենք կարող ենք ծանոթանալ նման կարեւոր օրենքներին ընդամենը երկու-երեք օրվա ընթացքում»,-վրդովվել է Պետրոսյանը: