Բրիտանական օրենսդիրները դժգոհ են այն հանգամանքից, որ սոցիալական ցանցերը ժամանակին չեն հեռացնում վիրավորական բովանդակությամբ գրառումները: Մասնավորապես, նրանք բողոք են ներկայացրել Twitter-ին՝ նշելով, որ հակասեմիտական եւ վիրավորական թվիթերը ամիսներ շարունակ չեն հեռացվում ցանցից, գրում է AP-ը:
Ներքին գործերի հանձնաժողովը տարվող հետաքննության շրջանակներում հարցաքքնել է Twitter-ի, Facebook-ի եւ Google-ի ղեկավարներին՝ ընկերությունների՝ վիրավորական բովանդակությամբ գրառումների մասով քաղաքականության վերաբերյալ:
Հանձնաժողովի նախագահ Իվետա Կուպերը ասել է, որ ընկերությունը բավարար քայլեր չի ձեռնարկում ատելության հիմքով հանցագործությունների դեմ պայքարի համար: Նա քննադատել է Twitter-ը՝ վիրավորական թվիթները, այդ թվում նաեւ Թերեզա Մեյի դեմ սպառնալիքները, չհեռացնելու համար: