Գյումրու բնակիչների համար Գիտության եւ մշակույթի ռուսական կենտրոնի մասնաճյուղի բացման առիթով հնարավորություն է ստեղծվել ռուսական մշակույթի եւ գիտության հետ հաղորդակից լինել: Այս մասին դեկտեմբերի 20-ին Գյումրիում Գիտության եւ մշակույթի ռուսական կենտրոնի մասնաճյուղի բացման արարողությանն ասել է Շիրկաի մարզպետ Արթուր Խաչատրյանը:
«Եվ որքան էլ մենք խոսենք ռուսական մշակույթի մասին, հետագայում քննարկումների համար դեռ տեղ է մնում», - բացատրել է Խաչատրյանը` ավելացնելով, որ ռուսական մշակույթը չափազանց դժվար կլիներ պատկերացնել առանց Դոստոեւսկու, Պուշկինի, Եսենինի, որն, ըստ մարզպետի, իր սիրելի բանաստեղծն է:
Բացի այդ, նա ընդգծել է, որ կենտրոնը կնպաստի հայ երիտասարդների կրթությանը, այդ թվում` ռուսական առաջատար բուհերում` շարունակելով Ռուսաստանում ստացված գիտելիքները ներդնել Հայաստանի օգտին:
Իր հերթին Գյումրու քաղաքապետ Սամվել Բալասանյանն ասել է, որ Գիտության եւ մշակույթի ռուսական կենտրոնի մասնաճյուղի բացումը քաղաքի եւ նրա բնակիչների համար հատուկ նշանակություն ունի: Նրա խոսքով՝ քաղաքի բնակչները տարիներ շարունակ ռուս ժողովրդի ներկայացուցիչների հետ ապրել են կողք կողքի:
«Մենք շատ ենք հարգում ռուս ազգին: Մենք պատմականորեն եղբայրական ժողովուրդներ ենք», - ասել է նա՝ հավելելով, որ երկու ժողովուրդների ավագ սերունդը դաստիարակվել է մեկ միասնական խորհրդային մշակույթում եւ սա շատ կարեւոր նշանակություն ունի, որը չի կարելի անտեսել:
Նա նաեւ նշել է, որ Ռուսական տունը երկու երկրների հետագա աշխատանքի համար լավ հարթակ կհանդիսանա:
