ՆԱՏՕ-ն անհանգստացած է Միջերկրական ծովում եւ Ատլանտյան օվկիանոսում ռուսական սուզանավերի ակտիվության աճով: Այս մասին հայտարարել է կազմակերպության գլխավոր քարտուղարը Frankfurter Allgemeine Sonntagszeitung-ին (FAS) տված հարցազրույցում, հաղորդում է DW-ն:
Ստոլտենբերգը նշում է, որ Ռուսաստանը 2014-ից ի վեր գործարկել է 13 ռուսական սուզանավ: Ըստ ՆԱՏՕ-ի՝ Ռուսաստանի ռազմածովային նավատորմի սուզանավերը շարժվում են ողջ Ատլանտյան օվկիանոսով՝ նաեւ դաշինքի երկրների ափերի «մոտակայքում»:
Ստոլտենբերգը մտավախություն ունի, որ Եվրոպայի եւ Հյուսիսային Ամերիկայի ՆԱՏՕ անդամ երկրների միջեւ հաղորդակցության ուղիները կարող են վտանգվել:
«Մեզ պետք է անվտանգ եւ բաց ծովային ճանապարհ», որպեսզի կարողանանք Ատլանտյան օվկիանոսով զորքեր ու ռազմական հանդերձանք տեղափոխել», - ասել է դաշինքի գլխավոր քարտուղարը: