ԱՄՆ-ի Հետաքննության դաշնային բյուրոն (անգլ.՝ Federal Bureau of Investigation, FBI) խնդրել է Կիպրոսի իշխանություններին տեղեկատվություն տրամադրել լուծարված FBME բանկի մասին, որը, ինչպես կասկածվում է, օգտագործվել է «քաղաքական կապերով հարուստ ռուսների» կողմից: Այս մասին հաղորդում է DW- ն` վկայակոչելով The Guardian թերթը եւ սեփական աղբյուրները:
Հրապարակման համաձայն` FBI-ի հարցումը ուղարկվել էր Ռուսաստանի եւ Թրամփի շրջապատի կապերի հետաքննության գծով հատուկ դատախազ Ռոբերտ Մյուլլերի հետաքննության շրաջանակներում: The Guardian-ի զրուցակիցները պատմել նե, որ FBI-ը ԱՄՆ ֆինանսների նախարարության հետ համատեղ Կիպրոսի Կենտրոնական բանկից տեղեկություն է խնդրել FBME-ի վերաբերյալ նոյեմբեր ամսին:
Մեկ այլ աղբյուրի համաձայն՝ հետաքննությունը կապված է Թրամփի նախընտրական շտաբի նախկին ղեկավար Փոլ Մանֆորթի հետ: Ավելի վաղ՝ հոկտեմբերին, նրան մեղադրել էին փողերի լվացման մեջ: Իր հերթին FBME-ի պաշտոնական ներկայացուցիչը The Guardian-ին ասել է, որ Մանֆորթը երբեք իրենց բանկի հաճախորդ չէ եղել:
2014 թվականին Կիպրոսի կենտրոնական բանկը ներքին զեկույց էր պատրաստել, որը հայտնվել էր The Guardian-ի տրամադրության տակ: Զեկույցում նշվում էր, որ FBME-ի հաճախորդների շրջանում «քաղաքականապես զգայուն» դիրքեր զբաղեցնող մի քանի ռուս քաղաքացի է եղել: Բացի այդ, բանկի հաճախորդների մոտ կեսը ռուսներ են եղել, այդ թվում նաեւ՝ «Վլադիմիր Պուտինին մոտ կանգնած Վլադիմիր Սմիրնովը», ինչպես նաեւ «Պուտինի քաղաքական կուսակցության անդամ» Ալեքսանդր Շիշկինը:
