Ավտոմատացումը կուժեղացնի կանանց եւ տղամարդկնաց եկամուտների միջեւ տարբերությունը: Այս մասին նշվում է IPPR-ի ավտոմատացման եւ ռոբոտների մասին զեկույցում, գրում է Hightech-ը:
Ըստ զեկույցի տվյալների՝ կանայք տղամարդկանցից ավելի շատ են ներգրավված այն ոլորտներում, որտեղ ավտոմատացման բարձր աստիճան կա:
Կանանց կողմից ընտրված մասնագիտությունների 47 տոկոսը ավտոմատացման են ենթարկված:
Տղամարդկանց մոտ այդ մասնաբաժինը 7 կետով ցածր է:
Դա փոքր թիվ է թվում, բայց վերլուծաբանները կարծում են, որ կանայք տղամարդկանցից ավելի շատ կտուժեն ավտոմատացումից:
Զեկույցում նշվում է, որ ավտոմատացումը զանգվածային գործազրկության չի հանգեցնի, բայց կուժեղացնի հասարակական շերտավորվածությունը:
Նույն զեկույցում ասվում է, որ, օրինակ, Մեծ Բրիտանիայում ավտոմատացումը կարող է ոչնչացնել աշխատատեղերի 44 տոկոսը: Այս թվերը նշանակում են, որ ավտոմատացումը կանդրադառնա Մեծ Բրիտանիայում 13.7 միլիոն մարդու վրա: